الناس تفنى وأنت يا رجم باقي

يا رجم أنا ما جيت مبداك شفقان
ولاني بمشتاق لعسر المراقي
يمديك من قضّى حياته بالأحزان
وأيّس من أيام الفرح والتلاقي
أبيك أنا يا رجم ماني بطران
ليا دق بي هاجوس والصدر ضاقي
لا شك يوم أبديك كله على شان
أسج ساعة لو تعب عظم ساقي
وأرقي على مبداك غايض وزعلان
وأرجع بغيضي مثل ماني براقي
لا واهنيك ما تبيدك الأزمان
الناس تفنى وأنت يا رجم باقي
والعام أنا وإياك والزين جيران
واليوم قربك عقبهم ما يطاقي
شعر - محمد بن عمره المقاطي