يا متعبة

هِدي جدار الصمت يا مطنشتني
يكفي على قلبي بني عشر جدران
هذي سنه وأنتي بها ساجنتني
ما هيب هي وأنتي وأنا دوم خلان
سود الليالي من عناك اجهدتني
وأحسن ظروفي دمعةٍ فوق الأعيان
وإن جيت أحاول ردها غالبتني
وتزيد همي فوق مانيب مليان
السالفة راحت وهي مشغلتني
لكن ما يعطيك حق ٍ لهجران
يمكن ظروفي وقتها عاندتني
بس الأكيد إني على الوعْد شفقان
يا متعبه وإلى متى متعبتني
خلاص يا مال الشحم كن ما كان
رسايلك يا متعبه لا وصلتني
أحس عند قرايتي ماني إنسان
لكن أنا بقول يا مطنشتني
إما ارحلي وإلا اهدمي عشر جدران