بيت الأسبوع الماضي كتبه للصفحة الشاعر عبدالله الفهري من الخبر ويقول: والله ماتلقى مثل طبخة البيت قدام عينك والنظافه اكيده والصدى الجميل لم يكن مستغربا من أهله الشعراء: لكن حياة اليوم صارت تشاتيت مع الدراسة والحياة الجديدة يا ليت ياللي تطلب الرأي يا ليت بالطبخ في بعض المناهج نزيده نعيد طبخٍ كان له سمعة وصيت الناس عاشت معه عيشة سعيدة تخفيض فاتورة وصحة وتثبيت للأسرة ، وندرك به اللي نريده والمطعم اللي حاز بالمدح تصويت ما يظلمه باللوم راعي القصيدة كم وفّر اوقاتي على ما تمنيت وانجزت باوقاتي أمورٍ عديدة محمد مقحم المقحم - الرياض. بعض المطاعم بالدعايه لها صيت لا لاتجيها واحترس ياوليده لايغرّك الديكور واللون والليت لو الأواني كل أبوها جديده بعض الأكل فيها يقدّم لك مبيت يديرها اللي خاف ينزل رصيده البيت أكل البيت هو وحده البيت تعرف مصادر زادك اللي تريده عبدالكريم ابن خزيّم - البكيرية طبخ الاكل موجود يا شاعر البيت في كل شارع والمطاعم عديده مير الحذر منها لامنك تضريِت البعض منها فالنظافه بليده لكن طبخ البيت بخيره تهنيِت بعد الاكل تصير نفسك سعيِده من طهيِ ست البيت مشهوّرة الصيت بهاك الذرابه فالنظافه عميده مشعل بن صنت العصيمي - الخرج لا مِن ثلاث إبْطبخة الاكل راعيت مكان والطاهي وواني جديده وكِله تِحُوفه ربَّة الحسن والبيت تاكل نظيف الاكل و لقمه سعيده وِلصحتك يا زين لا منك اوليت في طبخ دارك فالنتايج مفيده سعود عائش الحربي - جده ادخل على الله كل ما اصبحت وامسيت نسمع حوادث بالتسمم وكيده حال التسمم كاثر وذايع الصيت سبب خطوره والمواقف عديده والناس فيها هابت دون توقيت تاكل وتشرب ماتحسب مكيده ياهيه يلي بكل اسم تسميت بالك تنبه في ليالي سعيده حمد عبدالله الوايلي - حوطة سدير بيت الأسبوع كتبه للصفحة الشاعر مشعل بن صنت العصيمي من الخرج ويقول: امْراية الدوله ويا الشعب الاعلامي لاصار نقل الخبر من مصدر ٍ وافي نستقبل صدى هذا البيت خلال أربعة أيام من نشر البيت على إيميل الصفحة: [email protected] (تنويه) بيت الأسبوع المقبل حول استقبال ضيوف الرحمن وإعطاء الفرصة لمن لم يؤدِ فرضه من قبل، من يرغب طرح البيت يرسله على نفس الإيميل مشكورا.
