كان بيت الأسبوع الماضي مجاراة للبيت الوجداني للأمير سعود بن بندر الذي يقول: منهو حبيبك غايتي بس أهنيه على حسن حظه عشانك حبيبه وصدى البيت من الشعراء: واقلبي اللي تالفات كراسيه عيا يطاوعني وعيني صبيبه بأسباب خل ما له أحد يحاليه يا شيب راسي منه يا شيب شيبه يالله تساعدني بلاماه ونجيه يالله عسى فرحة لقانا قريبه حامد نهار العنزي - حفر الباطن ما كل من شفناه يالقرم نغليه العشق يالأجواد حاله غريبه يهزني شوقه وبالطيف أمسيه والنار شبت في ضلوعي لهيبه أغليه وأحنه وبالحيل أداريه ومسامحه لو منه روحي صويبه نايف عليان البلوي - تبوك يالله عسى المولى من الشر يحميه ويحفظه ربي ما تجيه المصيبه شعور المحبة يصعب إني أخفيه واللي يبي يزعل يشوف الغليبه صالح البشري - الرياض يا سعد عينه حبك اللي يسليه وأنت الغرام وكل شوق تجيبه أشهد وأنا أنشد يوم حبك يعنيه هذي مقادير الهوى من نصيبه أحد يجيله في المطالب يهنيه واحد دواليب الهوى تنتحي به حمد عبدالله الوايلي - حوطة سدير اللي تحبه يا أدعج العين تغليه وأنا على شانك دموعي سكيبه نسيتني ياهيه ياهيه ياهيه ما عاد تذكرني وأنا في مصيبه الله يعوضني بغيرك وراعيه يا جاحدين الخِل ما هي غريبه محمد عبدالله الشهري - أبها بعض البشر ربك مِنْ الحسن معطيه خلقٍ وأخلاقٍ وروحٍ عجيبه حظيظ مِنْ حظه بمثلك يهنيه ولا تعتبر فيك المدايح غريبه والقلب في مثلك دوامٍ يِمَنِّيه ويا بخت مِنْ واف الخصايل نصيبه سعود عائش الحربي - جدة أنشهد إن الحب مفتون راعيه مثل المريض اللي يدور طبيبه راعي الهوى يحتاج منهو يداويه ليت بحبيب القلب ياخذ نصيبه محمد بن عبدالعزيز الخنيفر - أشيقر منهو نصيبك سلوتي ناوي أهديه تحيّه لحظه لاجل مثلك نصيبه والعالم الله ويش الأيام تخفيه للعاشقين أهل القلوب اللبيبه كلٍ على ما يقسم الله يرضيه وهذه مكسب للرجال الأديبه مشعل بن صنت العصيمي- الخرج الحب القديم تسمو أهدافه «بيت الأسبوع» بيت الأسبوع مجاراة لبيت الشاعر سلطان الهاجري الذي يقول: التجارب عطتنا ميزة الاحتمالي درستنا مشاوير الحياة المفيده نستقبل صدى هذا البيت خلال أربعة أيام من نشر البيت على إيميل الصفحة: [email protected]
