بيت وصدى

الأسبوع الماضي كان بيت الأسبوع من طرح الشاعر غنام مسعود القريني من نعام حول موضوع تسمم أكل المطاعم والذي يقول:
إن كان بتزور المطاعم ومجبور
احذر من اللي ما يجونه رقابه
وكان الصدى رائعاً من الشعراء:
لكن زين الاكل من داخل الدور
خلك معافى من حصول الاصابه
بعض الاوادم غر ما يسمع الشور
لما يذوق الشين باقسى عذابه
لو قمت في جوله وحاولت بتزور
تلقى قليل اللي عليها رقابه
علي الرشيد - رياض الخبراء
خذها نصيحه وابتعد كل محذور
تسلم الاسنام ثم الاصابه
ترى الوقايه خير من الف دكتور
والحاذق اللي دوم يحسب حسابه
لا تعشق المطعم ترى الغث والجور
ماحد يطيقه حتى يوم الخرابه
علي جابر آل زولان الفيفي - بيشة
في ذمتي قد شفت جرذي على الفور
في غرفه التحضير يدور شرابه
وكم من المطاعم واحد زار دكتور
ونص التسمم واضح في خطابه
وصدقت ياغنام وللطرح مشكور
مطعم بلا تفتيش يكثر ذبابه
سعود عبدالعزيز الهزاع - نعام
احذر من اللي يخفي الرز والقدور
ممكن البلا يجي لو من ذبابه
وبالمطعم عيونك تفتحها وتدور
ترى بعض العمال ياكل الكلابه
يازين طبخ البيت مغسول مقشور
تاكل بشيه وبمنزلك لك مهابه
عبدالله علي الحوشاني - الرياض
كم واحدن لاقفى به البطن مامور
قام يتطوا من البلا اللي وزابه
يرفع بعال الصوت وينك يا دكتور
موتن غدا بالناس غيره غدابه
حاله قضى من خفه تقول عصور
من حر مايونس زهق من ثيابه
عبدالله غنام القريني - نعام
هذاك مطعم عارفينه ومخبور
تديره اللي بالمواقف تجابه
عماله ماهمها شخص مكبور
ولاهمها لوفيه يكثر ذبابه
بايت وسيله تجمع المال وتبور
عصابه متسلله من عصابه
حمد عبدالله الوايلي - حوطة سدير
انا عطيتك شور من يقبل الشور
شوروا نصيحه قلت ماهي دعابه
ترى الحذر في كل الحوال مذكور
والادمي لازم يحسب حسابه
وذي المراقب مافتش كل مصرور
يفوته اللي مايبي مادرابه
سعد صنهات الدرعية
* وهناك ثلاث مشاركات سقطت سهواً من مشاركات الأسبوع الماضي:
بسم الولي سلام بالعطر نفحات
ياصل حمد ولي يشاهد ويعتاد
جاب المهم وخط حبره مسرات
احرص تسم الروح وتصير نشاد
ويسجل اسمك دفترن فالعيادات
خبز يفك الريق من فرن وقاد
ولا مطعمن سمه اذا للبشاوات
ماكل مطعم تاثق اكله ولو جاد
محمد زايد الروقي - الجمش
ماهم بيم المشتري والنظافات
همه بكسب المال ويغش الاجواد
يازين اكل البيت وحبك الايدامات
خسران من غير تجاهه للحاد
وتبغى النصيحه قبل ماغيب لحظات
اخذ السوالف من عزوبي وكداد
عبدالله ذياب الدليمي - بريدة
ياما سمعنا في المطاعم من آفات
بعض المطاعم عندها السم في الزاد
ماهمها الا جمع الاموال بالذات
ما تتمثل في طبخها بكل مافاد
وشعارها التوصيل روحه وجيات
دبابها يطير وراه الاعداد
راشد الورثان - الأفلاج
بيت الأسبوع
حول موضوع قلة وجود الحدائق والمتنزهات في الأحياء الشعبية ارسل للصفحة الشاعر عبدالعزيز علي الصالح من حايل ويقول:
راع القصر حديقته داخل البيت
ماهو بحاجة منتزه داخل الحي
❊ نستقبل صدى هذا البيت بثلاثة أبيات فقط تدور حول موضوع قلة وجود الحدائق والمتنزهات في الأحياء الشعبية وذلك على الفاكس (01/4871070) ويفضل الارسال على الايميل rb-khozama@alriyadh.com
مقترح لموضوع بيت الأسبوع القادم
أرسل للصفحة الأخ بطاح الجعفري من الرياض موضوعاً لبيت الأسبوع القادم وهو التبذير في المناسبات.