ذاكر لعلك تدرك اللي تمنيت وثابر ترى الايام يالشبل عجله

بيت الأسبوع
كتبه للصفحة معد الزاوية حول الاستعداد للاختبارات النهائية ويقول:
ذاكر لعلك تدرك اللي تمنيت
وثابر ترى الايام يالشبل عجله
وكان صدى البيت من الشعراء:
ياطالب ٍ للعلم يباغي الصيت
ذاكر دروسك لايجي فيك وجْلِه
واطلب وليك كل ماقمت صليت
يكفيك ربك كل حاسد ودجله
وثابر ترى التعليم يبغا نعاتيت
والكل وده يدرك العلم نجله
مشعل بن صنت العصيمي - الخرج
واصبر وذاكرلو تعبت ثم أَنيَّت
ولو ضقت وَجِّه وجهتك واتجه له
وادع الاله يحقق اللي تشافيت
وكلن بدربه يرتقي عزم رجله
وحصدك يزيد بكل درس له اعطيت
والتضحية مستقبلك ضح لاجله
صلاح المبطي - أرامكو السعودية
انت بدار العلم وفيها تربيت
اسلك دروبه يافتى واتج له
هذي نصيحه قبل ماتقول ياريت
لايضيع وقتك والاماني خجله
انت البطل وبالعلم جعلك تهنيت
وعسى دروبك للفتى اليوم عجله
انت باحسن الرحلات وفيها تلقيت
نهلت علمك بالوفاء واتجه له
محمد بن عبدالعزيز الخنيفر - أشيقر
هذي علومي وافهمه كان حبيت
يالله علوم طيبه مستعجله
وحييت ياللّي تنهل العلم حيّيت
وعسى علومك ماتجي يوم وجله
وراك رجال تفرح بما تلقيت
انشهد ان العلم كل عرج له
سلكت درب للفخر ثم تعليت
وصلت سلّم كل طيب درج له
ريان بن محمد الخنيفر - أشيقر
بيت الأسبوع
كتبه للصفحة الشاعر شجاع حمود الهجهوج من الرياض في استقبال شهر الغفران والقرآن ويقول:
اهلا بشهر فيه عفو وغفران
وعتق من النيران ربي يحييه
نستقبل صدى هذا البيت بثلاثة أبيات تدور حول هذا الموضوع،
خلال أربعة أيام من نشر البيت على الإيميل:
rb-khozama@alriyadh.com