كتب بيت الأسبوع الماضي الشاعر عيسى الشلاحي من الرياض والبيت كان يدور حول مضايقة دبابات توصيل الطلبات لقائدي السيارات والذي يقول: كثر النمل توصيلهم ضايقونا في كل شارع كنهم وسط زفه وكان الصدى من الشعراء رائعاِ: أحيان أفكّر واسأل منين جونا؟ واحيان اقول الفكر والظن صَفّه ذولا ترى بوجودهم ساعدونا لولاه (شب الغاز والغاز طفّه) كم واحدٍ في البيت يحتاج عونا والّا غنيٍّ عاش عمره مرفّه ما هوب طالع مثل من يطلعونا ويواجهون الزحمة بكلّ لفّة وإن كان فيه ازعاج فينظّمونا لا كفّةٍ في الوضع ترجح بكفّة محمد مقحم المقحم - الرياض. انشهد انهم فاالبلد زاحمونا لقيتهم في كُل شارع ولفه مثل الجراد المنتشر قد غزونا من كُل مطعم صفةٍ بعد صفه لو كُل ربة بيت تطبخ كفونا ويصير باالشارع من الضيق خفه محمد عبدالله الشهري - جبل اثرب تسعين فالميه نقول اخدمونا عمالة التوصيل وكل بشفه خدمه على نظام مهوب هوّنا قايم على ميزان وعدل ٍ بكفّه نوفي حقوق اهل التعب وشكرونا مانقطع ارزاق الخلايق بخفه مشعل بن صنت العصيمي - الخرج عيسى صحيح بكِثرهم ضايقونا بزحماتهم في كل شارع ولفَّه ولو ما طلبناهم ترا ما لفوْنا مير امْرُهم محتاج تنظيم وقفه ترى كِسَل بعْض البيوت اجبرونا منهم عشانا من مطاعم وبُفَّه سعود عائش الحربي - جدة مره تخاطف فالطريق ابتلونا صار الخطر في كل شارع ولفه وعمالة من كل صوب حدونا خطر على الساير يجيه ويظفه تحاذفو من كل الأقطار جونا هذي بلاد الخير مطلب وشفه طبق نظامك ولا تهاون عفونا وما نحتمل كثر الخطاء لاتوفه حمد عبدالله الوايلي - حوطة سدير بيت الأسبوع كتبه معد "زاوية بيت وصدى" عادي الشمري برحيل مهندس الكلمة وتأبيناً للمرحوم بإذن الله الأمير بدر بن عبدالمحسن غفر الله له وجعل مثواه الجنة والبيت يقول: كل بدر يغيب ويقتفيه الظلامي ويوم بدر أبو خالد غاب ماغاب نوره نستقبل صدى هذا البيت خلال أربعة أيام من نشر البيت على إيميل الصفحة: [email protected]
