ثلاثة وتسعين عام من الزود

يا بيرقٍ رفرف بسيف وشهاده
بالحق خفاقٍ له عصور وعقود
عامٍ ورى عام ٍعلو وزياده
ثلاثه وتسعين عامٍ من الزود
بيرق هل التوحيد وأهل الرياده
من سيدي سلمان لمحمد سعود
الله يهب من شاء ملك وقياده
وللمجد في الدرعيه آثار وشهود
إخوان نوره للوطن خير قاده
أهل المروه هامة المجد والجود
بالسيف وحدها قويّ الاراده
ياما قطع عسرٍ وياما عبر كود
إستل سيف الحق وأعلن جهاده
ورد ملكٍ ورث الآباء وجدود
ممشاه دين وخوف ربه عتاده
قهْر العداه ونصر من كان مضهود
حتى استقام العدل والأمن عاده
وأطرافها المتراميه صارت سهود
عقب الفقر والخوف عشنا بسعاده
وعيشٍ رغيد وخير ما هو بمحدود
وبين الأمم أرسى دعايم بلاده
وثبّت مناهجها على خير عامود
سوّالها اسم ٍ نفتخر بعتماده
ومع كل مطله شمس يزداد بصعود
خط بعصاه حدودها كالقلاده
لعياله اللي نهجهم منهج العود