سعورس : ما يبلغ العليا شُفُوقٍ على النوم ولا يعتلِي طيرٍ مِن الريش منتوف

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ما يبلغ العليا شُفُوقٍ على النوم ولا يعتلِي طيرٍ مِن الريش منتوف

عادي الشمري نشر في الرياض يوم 14 - 09 - 2023

كتب بيت الأسبوع الماضي للصفحة الشاعر سعود عائش الحربي من جدة والذي يقول:
ما يبلغ العليا شُفُوقٍ على النوم
ولا يعتلِي طيرٍ مِن الريش منتوف
وهذا صدى البيت من الشعراء:
الطيب والنوماس يبغاله قروم
ناسن على كسب المراجل لها وصوف
النادر اللي فالسما يكسر الحوم
ماتقصر يمينه ولو عنده ظروف
ما نالها لاشن يخاويله رخوم
يضيع حقه قدم عينه وهو يشوف
عبدالله بن عبود السهلي
ترى الكسل والحقد والكذب مذموم
النوم ساس اللوم ذا شى معروف
ومن يبتعد عن درب الاقزام واللوم
يعيش مسرور ولو مسه ظروف
صالح البشري - الرياض
ترى الكسل يا سعود ماينفع القوم
معَ طلوع الضوء لازم نشوف
أرزاقنا نبحث لها طايل اليوم
لو كان في ديره بعيده لها انطوف
واللي بلا موطن فلا ينتصر يوم
تجيه من كُل النواحي له ظروف
حتى القريب ايصير من ضمن الخصوم
هذي هيا الدنيا لها أحكام وصروف
محمد عبدالله الشهري - جبل اثرب
من يطلب العليا نسميه شغموم
يطلع مع السنداترى العالم اتشوف
لاطيب أفعاله فلا هوب مليوم
من رافق الطيب فلا يلحقه خوف
واحرص على الخوة ترى دربها اسلوم
تظمن صفا جوك وبالخير موصوف
علي الرشيد - رياض الخبراء
هذاك والله مايجي عنده علوم
يعيش عاله واطي نفسه الخوف
لامسعد روحه ولامبعد الحوم
وعزي لحاله لاتزوج على نوف
يجيب من نسله مثل شكله رخوم
ياعل بذره ينقطع بارد الجوف
ولوه بضاعه كان مايشترى سوم
وحيل الله اقوى مال من مثله وصوف
حمد عبدالله الوايلي - حوطة سدير
بيت الأسبوع
بمناسبة ذكرى يوم الوطن 93 طرح معد زاوية بيت وصدى عادي بن رمال هذا البيت:
ثلاث مع تسعين يا موطن الخير
في ظل سلمان ارغدي يا بلادي
نستقبل صدى هذا البيت خلال أربعة أيام
من نشر البيت على إيميل الصفحة:
[email protected]

انقر هنا لقراءة الخبر من مصدره.