تشوف ضوحه من بعيدات الأرماس وحنت رعوده تسمعه من مسافه

كان لغز الأسبوع الماضي من طرح الشاعر بشير عنيزان السليمان من حايل ويقول:
انشدك عن رجل يحبونه الناس
رجل وكل ياهل العرف شافه
اول وثاني حرف خالي من اوناس
والا عكست اسمه قريب المسافه
اخوه عقبه تسمعه يصلب الراس
الا تنحنح كل رجال خافه
ووفق للرمعة الصحيحة الشعراء:
بشير جاب اللغز في فن واقياس
وانا اشهد ان القرم شده وحافه
حله تراه البرق يا طيب الساس
والرعد بعده ما تطول المسافة
علي الرشيد - رياض الخبراء
البارحه افكر اخماس واسداس
واحاول القى الحل دون استلافه
وحليت لغزك يابشير من الراس
البرق وتسمع للرعد من مسافه
خاد المرشود - الرياض
تشوف ضوحه من بعيدات الأرماس
وحنت رعوده تسمعه من مسافه
البرق واضح يعرفه كل عساس
وهذا جواب اللغز ما من كلافه
عند العرب يجلب لهم خير واحساس
وماينتبه له شخص يضفي لحافه
حمد عبدالله الوايلي - حوطة سدير
الحل برق إليا برق يفرح الناس
و العكس قرب العود و لا المسافة
هذا جواب اللغز يا طير قرناس
جاك الجواب اللي من الراس حافة
محمد بن عبد الرحمن أبو دحيم - البدائع
لغز الأسبوع
كتبه للصفحة الشاعر عبدالعزيز الصقيري ويقول:
انشدك عن بنت لها ياعرب بأس
بنت عظيمه كل حي رآها
اول وثاني حرف من ضمن الاحساس
وثالث وثاني حرف لبى نداها
نستقبل الحلول خلال "ثلاثة أيام" من نشر اللغز على إيميل الصفحة:
rb-khozama@alriyadh.com
'