درعية العز للتاريخ وقفة وشان

سيرة عظيمة تخلدها سطور الزمن
تحكي كفاح الرجال اللي هدفها كيان
سيوفهم له حصون وروسهم له ثمن
دونه تصدوا ل عدوانه بكل اتزان
بالوقفة اللي ل شاهدها مقام ووزن
ولا زال ترديدها بالفخر يطلق لسان
شعبٍ مع قيادته يتقن فنون المهن
في ملحمه عُمقها يشهد عليه الزمان
يكتب بكل اعتزازه والحقائق علن
ثلاثة قرون مرّت واستمرت وبان
الموقف اللي ما غيرته فلول الفتن
لأن الهدف نصرة الدين العظيم والأمان
والمجد راسخ ومتأصل ببنت وابن
بقيادة محمد بن سعود وابلغ بيان
تأسيس دولة لها مبدأ عظيم وركن
عنوانها وحدةٍ ما طب فيها جبان
لا والله ألا قيادتها تدوس المحن
لين أستتب الأمن والخير عم المكان
وتبدل العسر يسر وخوف الأمّة أمن
والفضل لله وكل الحمد والامتنان
الحكم ثابت تحت قبضة زعيم الوطن
سلمان .. سلمان وأفعاله للأمّة عيان
من صغره اسمه مع المجد التليد اقترن
أبو الحزم والعزم ومنين ما كان زان
وجه الحياة بقلوبٍ في وفاها سكن
ومحمد اللي عدوه راح عشره ثمان
لنا الفخر فيه وإنجازه صعد واحتضن
الرؤية اللي لها أطلق باليمين العنان
لين القرى في وطن الأمجاد صارت مدن
وراهن على شعبه الواثق وكسب الرهان
والشعب كله تحت رايه ولأمره رهن