يا أهل الردى لكم علينا معاريف

امس العصر عديت روس المشاريف
اللي قممها فوق روس الغماما
وشفت الذي من قبل هالوقت ماشيف
شوفٍ ولاقدر عنه صدق اتعاما
اللي هقيته سيف لا ماطلع سيف
يحسن عزاء الهقوات في كل عاما
الله واكبر يا وجيه الصواديف
يا كاشفه عن زيف روسٍ تواما
ما يجرح الخاطر ويبدي التحاسيف
الا عفونٍ عقبتها الكراما
افعالهم تنبيك من غير تعريف
اللي هدموا ما شيدوه القدامى
اجدادهم لو علموا بالمخاليف
ان كان عافوا لابسات اللثاما
الطيب دربٍ ما محته العواصيف
يبقى طريقٍ للرجال الحشامى
ماينشرى ياكود باغلى التكاليف
يشريه منهو بالمعالي تسامى
والا الردى دربه على مابغى الكيف
دروبه عساها للفنى ما تساما
يا اهل الردى لكم علينا معاريف
لولا رداكم ماعرفنا النشامى
ومعروفنا فيكم بحكم العواريف
سترٍ كساكم عن عيون الاناما
لهيلم المويس