حرصك على نفسك يالإنسان مطلب

دامك تدوّر دوم درب السلامة
ترى الذهب يفرق عن اللي مذهّب
والمعدن الأصلي يبان بعلامه
إن جاء لك المحتاج حذرا تهرّب
والوافي النشمي فعوله وسامه
إحذر ترد إنسان ضايق ومتعب
من قل ذات اليد ضاقت أمامه
دامك ب شهر الخير لله تقرّب
إعمل ليومٍ تاجده بالقيامه
جود بحلالك وأبذل الخير تكسب
دام العطاء مقرون بأهل الشهامه
الطيب ماهو منصبٍ فيه تحسب
ترى الظفر بالجاه يرم العمامه
دايم مع المحتاج لاتبعد اقرب
من جاء له المعثور بان إهتمامه
وإن صادفك تعبان لاتكثر السب
لاتجادله بالهرج وإحذر خصامه
راع الردى ماطاب لوهو تطيّب
شخصٍ مايوفي لو يكثّر كلامه
من يبذلون الخير فيهم تقضّب
ناسٍ مع الفزعه رفيعٍ مقامه
والختم صلو عد ماينبت الحب
على النبي اللي نهجنا كلامه
عبدالكريم بن خزيّم