يا سعود سجّ القدم دايم على بالي

وفراق جو المدينة مع منزلها
شفي مع البل والجندوب يبرالي
وخلافنا البوز يدرج مع جمايلها
منتنحرين الشمال وخدّه الخالي
من دون عذفاء يسار السيل طاملها
بالنّازية نبني إبيوت الشعر عالي
امخومسات (ن) تشوق اللي يقابلها
ونقيم فيها ثلاث شهور نزّالي
ترتع زعاجيلها باطيب مسايلها
غبوق خلفاتها مطعومه الحالي
ألذ وانوج علينا من مناحلها
مصباحنا در عفر (ن) طيّبة فالي
واليا اصطبحنا نلبسها شمايلها
وتفك للي يجي لو كان رحالي
لو كان خاطر على المقهور يزهلها
يا حيف ياللي ليا من جاه رجالي
قام يتعذر وهو قادر يكملها
هجيجها يطرب الوبال ياعيالي
واللي عليها دباديب (ن) تجمّلها
بارض (ن) مريّة مثل ما يذكره خالي
ابو اعزيز معاشرها من أولها
يا حلوها في مساس الخد زرفالي
ويا زينها مع فحلها لو تخيلها
منقية (ن) قالها المذعور بأمثالي
اوجز بها الوصف وابدع في تمثّلها
هذي هي اللي تريح القلب من تالي
هذي هي اللي حلاها في معابلها
يا سعود ما يجلي همومي وغربالي
الا فراق المدينه مع منزلها