"بوها تمام" قصيدة للشاعر سعيد بن شايع الشواطي

ساكن ولا له بالقنص وزناده
يرتع ويلعب عرضه ورديه
والقزوعي غيم(ن)زفر رعاده
يرقا بفكر(ن) ينبذ القوميه
اللي هدفها مارقا ببلاده
داره من الله دائما مسنيه
تشرب مزون الغيمة المنقاده
شعاره أرحب ياهلا بالجيه
ياضيف عز(ن)شرفه ميراده
الطيب فاله من صفاة النيه
والبن لاشقر يفتخر بقناده
داله ولا له بالتعب موليه
حتى رماه اللي قتل من صاده
بنت الغلا اللي دارها منقيه
بوها تمام وأمها جلاده
شعاعها كنه يقل للفيه
شدي من أرضك لو لفوك الساده
وجمالها بالليل له ماريه
يكسف سنا بدر(ن)بدا ميلاده
تاخذ من اطراف الزهر حنيه
ولباسها لبس الدهر وعناده
انا اشهد انها تهزم النديه
من جنسها واللي لفو نقاده
يامرحبا باللي يقوده غيه
غي الشموخ اللي يعز احفاده
الجد عز وعزوته مثنيه
والخال طيبه من قديم أجداده
ياسيف عز(ن)تحمله حوريه
مصدره طيبه والخفوق غماده
أرحم كيان اللي نهار الهيه
يفزع مع لاول وسيفك باده