كتبه الشاعر علي الجدي وهو بيت من نوع النسيب وتذكر ديار المحبوبة ويقول: مرت بي القدره على دار الاحباب وصفقت كف بكف والدمع سالي وقد كان صدى البيت من الشعراء : نويت تجديد المحبه مع احباب والشيب في راسي ولاني مبالي لكن قلبي للهوى بعد طلاب وصْلي ديار الزين ليس ابمحالي من ديرة السمسم ولاهو من اغراب تهامه الغنا لها صيت عالي محمد عبدالله الشهري- أبها قمت اتذكر شكل مكحول الاهداب ابو خدود مثل ورد الجبالي شفي بها من بد تلعات الارقاب حبه سطى بالقلب واعزتالي الزاد انا عفته وانا منه منصاب بس اتخيل صورته في خيالي صالح البشري - الرياض ياليتني ماجيت ولديت للباب وشفت الرسوم وكل غالي طرالي مرّمس وكنه عنْي اليوم ماغاب حيّ ٍ نزل فالدار غايب وغالي مشعل بن صنت العصيمي/الخرج غاب الحبيب اللي ينورلك الباب ياقلب لاتشقى ترى الدمع غالي شف الحزن هم ولاعندك اسباب وكم واحد قبلك مشى في مجالي راحت حياته والمثل غيرك ذياب وان طعت شوري لا تجاهد خيالي دور على الي من عريبات الأنساب وتنسيك عمرك والعمر في زوالي حمد عبدالله الوايلي - حوطة سدير ياما مرينا ديرة فيها الاصحاب وصفقت بالكف اليمين الشمالي قمت اتذكر صاحبٍ يفتح الباب وهو ينتظر واقول ياويل حالي راع الهواء معذب على طول ماتاب وقلبه على ماقيل ماهوب سالي خليف فهيد الحربي - الرياض دار لها الذكرى بها العز واعجاب ياما تذكرنا بعزيز وغالي احب انا ديرة هلي شيب وشاب نحبها بلحيل ولابه جدالي القلب فيها مولع ودوم ماغاب رجال بها نفخر ولاله مثالي محمد بن عبد العزيز الخنيفر - أشيقر انا الا مريت من دار الأحباب تتجدد الذكرى ويبحر خيالي والذكريات لكل عاشق ومنصاب تعذب لقلبه كل ما جاء مجالي ما تنفع الاشواق والوجد وعتاب حيلة قصيدي وثم سهر الليالي رزان الربع- الرياض انشهد ان القلب من البعد ماطاب الدار غالي ودايم له وصالي يادار دار للمعزه والاقراب دار الفخر والعز دار الرجالي معروفة محبوبة كم لها حساب بلاد الفخر فيها حسين الجمالي ريان بن محمد الخنيفر كانك فقدت احباب فقدنا الاصحاب ايضا وفقدنا ناس والعمر غالي دنياك مادامت لبو زيد وذياب وعبدالعزيز اللي حكم كل والي حكم بشرع الله والسيف غصاب وسنة رسول الله والراس عالي علي قعود العنزي "بيت الأسبوع " مجاراة لبيت وجداني للأمير سعود بن بندر -رحمه الله- الذي يقول : منهو حبيبك غايتي بس أهنيه على حسن حظه عشانك حبيبه
