ذكراه الأخيرة

تنام الناس وعيوني سهيره
واعيد الوقت الأول من هبالي
واسجل بالورق بوح السريره
ألا واحسرتي واسقم حالي
من فراق الغضى روحي خطيره
تسبب بعد خلي بالشقالي
وخلا عيشتي عيشة مريره
شبيه الورد بسفوح الجبالي
إلى هب الهوى فوح عبيره
أنا من غيبته واعزتالي
هو بديره وأنا عنه بديره
أمر بشارعه لاضاق بالي
واعيش بحلم ذاكره الأخيره
برغم البعد ماني عنه سالي
ولا فكرت في مخلوق غيره
عجزت امحى خياله من خيالي
بغيت وصارت السلوى عسيره
أبا أصبر واتحمل ماجرالي
وربي يكتب اللي فيه خيره
- الشاعر/ عبدالعزيز محمد الحمد