وكان هذا صدى الشعراء: اقض العطل في ديرة العز مرتاح بين الهدا والباحه أحلى استراحه الشيح والكادي بها دوم فواح وأبها سنام الصيف هذا الصراحه البرك والريحان والطير صداح من انماص إلى تنومه قراحه وبالشتاء غرّب تهامه وينزاح الهم من قلبك يضمد جراحه محمد عبدالله الشهري - أبها لا تسمع اللي للبعيدين مداح ذيك الديار اللي تبيح الإباحه خلك هنا تبقى على طول مرتاح هذي حقيقة كان تبغى الصراحه أمن وأمان وكل مكروه منزاح كل الفرص للشعب دايم متاحه على الرشيد - رياض الخبراء ما دام في خاطرك مسرى ومسراح في المملكة تلقى السعة والمساحه كل الديار إن جيتها فأنت مرتاح أمن وأمان وللحزين انشراحه فيها قرومٍ ما تحسّب للأرباح لا جاهم الطرقي هلا وألف راحه أحمد بن فهد الصميت - الدوادمي أحدٍ يبا لندن وباريس لاساح جوه عليهن راكب ٍبانشراحه لكن جو المملكه مسّك فواح فيه السياحه والحيا له مساحه في شعبها ثابت ولاهوب ينزاح وحكامها مرهين للشعب راحه مشعل بن صنت العصيمي - الخرج جو يسر القلب ويعجبك يا صاح فيه الوفاء فيه الصفا والسماحه يا ما حلاة الجو في وقت الاصباح خص مع الأحباب عز وراحه ديارنا فيها ترى الكل يرتاح تلقى العلوم الطيبه والصراحه محمد بن عبد العزيز الخنيفر - أشيقر يرتاح بالي لا طرا اليوم مرواح وقلبي على داري يزيد انشراحه يا ديرة نوره على القلب مصباح أحبها بلحيل صدق وصراحه في شوفها يا ناس يبرن ال جراح الكل لها يرتاح بكل ارتياحه ريان بن محمد الخنيفر - أشيقر بيت الأسبوع بمناسبة قرب حلول اليوم الوطني التسعين، والذي نسعد جميعا بهذه المناسبة الغالية على قلوبنا جميعا يكتب محرر الزاوية بيت الأسبوع حول نهضة هذا الوطن المعطاء تحت قيادة خادم الحرمين الشريفين الملك سلمان بن عبدالعزيز - أيده الله - وولي عهده الأمين صاحب السمو الملكي الأمير محمد بن سلمان - حفظه الله - ويقول البيت: تسعين عام من الرخا والسيادات همه وعزم ومجد واهداف وانجاز نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة: [email protected]
