الله يغيث الوطن ويْبارك إنتاجه

الناس هالوقت يارحمن في حاجه
عجِّل لنا بالفرح لا تطوِّل بِشدّه
الله يغيث الوطن ويْبارك إنتاجه
والله لا يخيّب الفلاّح في كَدّه
والقاع في ثرمدا مليان وأمواجه
بالضبط مثل البحر في جَزره وْمَدّّه
ينبت نفل ينعِشِك طيبه مع أفواجه
يفوق سوق العطور وطِيبه وْنِدّه
يالله بعشبٍ نظيرٍ لابسٍ تاجه
وفي نجد من زاهياتٍ شاملٍ خَدّه
رحمه وبشرى لراع النُوق ونعاجه
يشوفها تنقص ودمعه على خَدّه
وسط الظلام إبتهل للمِنعم وناجه
ربّ ٍخبيرٍ بعبَده يدري وش وِدّه
شعر: محمد بن عبدالرحمن اليوسف