أخذت من دنياي درس وتعلمت

إن المظاهر ما تعكس الحقايق
وإن الحقايق لو حصل دونها كمت
لابد ما تظهر لكل الخلايق
لا تقول سويت وفعلت وتهيلمت
وتمسح سنين من الدهر في دقايق
إذا نويت الطيب سوه على صمت
لا تحرج المحتاج لاجاك ضايق
خلك حذر كل ما نويت وتولمت
واحسب لصكات الزمن والعوايق
واحسب حسابك لا نطقت وتكلمت
للناس فهم وللمسامع طرايق
لاجيت ربعك والقرايب وسلمت
اضحك تبسم لو بجوفك حرايق
ربعك حزام وعزوتك لاتحيزمت
سندك في وقت الرخا والضوايق
w