في داخلي ضيقة

حبيبتي لحظه بغيتك دقايق
وان ماسمح وقتك عطيني دقيقه
في داخلي ضيقه وبالحيل ضايق
ودي افضفض لك وبايّت طريقه
صحيح ماني للسواليف رايق
بس ان ذكرتك تنجلي كل ضيقه
يا سلوتي لا جيت لك ومتضايق
وغيرك ضياع ان ضقت مانيب اطيقه
حبك بقلبي له سجل ووثايق
من غيرك انتي سجلت به وثيقه
يكفي لغيرك ماكشفت الحقايق
انتي لحالك من كشف هالحقيقه
يا ويل قلبي لاعتذرتي بعايق
أو قلتي ان الوقت ظرفي يعيقه
ظرفك يزيد هموم قلبي حرايق
كل ماعتذرتي ولعت به حريقه
اسألك بمصرّف أمور الخلايق
المعتني بامور كل الخليقه
ان تسمعيني يوم انا جيت ضايق
ودي افضفض لك وبايت طريقه
Your browser does not support the video tag.