هذا السراب اللي في القيظ ريته يتوهم الظامي نظر ماء لسقياه

كتبه لغز الأسبوع الماضي للصفحه الشاعر نافل علي الحربي والذي يقول:
ويش الذي لا من حضر ما لقيته
ولا راح عنك تلتفت له وتلقاه
وقد توصل للحل:
هلا بنافل نص لغزك قريته
حله سراب غر من ضاعت ارياه
على الرشيد - رياض الخبراء
يا بوعلي اللغز حله لقيته
هذا السراب إليا حضر ما لقيناه
محمد بن عبد الرحمن أبو دحيم - البدائع
سلمت يا نافل ولغزٍ بنيته
واللغز والله صعيبٍ لقيناه
بالقيظ والصحرا سرابٍ لقيته
يجي ويروح ويختفي ثم نلقاه
سعود عايش الحربي - جدة
هذا السراب اللي في القيظ ريته
يتوهم الظامي نظر ماء لسقياه
النور أجده والتقيته في
قول ربي نازلن قد قريناه
محمد عبدالله الشهري - أبها
لغز الأسبوع
كتبه للصفحة الشاعر محمد بن عبدالرحمن أبودحيم من البدايع ويقول:
لغزي تشوفه يرتعش بين ثنتين
تستقبله وحده والأخرى وداعي
ياما جرى له طور ماضي وهالحين
وإن قلت وضّحْ قلت ما فيه داعي
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com