اللغز

كتب لغز الأسبوع الماضي للصفحة الشاعر حاتم بن عبدالله الشاهر الذي يقول:
أنشدك عن بنت لها ستة حروف
بنت تحفظ اللي لجا في حشاها
الاربع الاولى شهير معروف
وآخر ثلاث حروف كل بغاها
وقد وصل للقسم ثلاث وستون حلا وكانت الرمعات الصحيحة:
أنا لقيت الحل يا صلك موصوف
الزمزمية حل لغزك تراها
علي الرشيد - رياض الخبراء
ياحي لغز وافي الطرح ووصوف
محبوك حبك وعالي مستواها
ومن بعد جهد اصبح الحل معروف
الزمزميه حافظه حر ماها
احمد بن ناصر المحرج-الرياض
الزمزميه حل لغزك و معروف
تحفظ لك القهوه وجود غطاها
محمد بن عبد الرحمن - ابو دحيم - البدائع
ياحاتم لغزك واضح لي ومعروف
الزمزميه تحفظ اللي فحشاها
محمد بن سليمان العجلان _ الرياض
الزمزميه تحفظ الماء بصنوف
هذا جواب اللغز كل قراها
عبدالمحسن المحيسن - رياض الخبراء
يازينه المجلس الا صار محفوف
والزمزميه والمه مع حلاها
محمد السعيد
لغز الاسبوع كتبه للصفحة من جده الشاعر عبدالله بن مصلح الزهراني ويقول:
منشدي رجال وانتم تعرفونه
واقف ٍ والناس تنظر وش معه
الفعل ثنتين خلفه تفعلونه
وداخله ثنتين ماهن باربعه
نستقبل الحلول خلال أربعة أيام من نشر اللغز ببيت واحد على البريد الإلكتروني
rb-khozama@alriyadh.com
ونرحب بطرح لغز الأسبوع.
Your browser does not support the video tag.