كان لغز الأسبوع الماضي من طرح الشاعر أحمد بن ناصر المحرج من الرياض والذي يقول: أنشدك عن بنت تجمع غنادير دايم تولف بينهن عبر رجال اول وثاني حرف يرهب جماهير وثلاث معكوسات رمز للأموال أول تشاف بكل مركز تقارير واليوم قلوا من تجيهم على البال وعلى الرغم من ورود 97 حلاً إلا أنه لم يرمع الرمعة الصحيحة سوى ستة شعراء وهم: يا أحمد المحرج اصبحك بالخير تحية ترسل وتاصلك بالحال والحل دباسة بجوفه طوابير تجمع الأوراق وتريح البال علي الرشيد - رياض الخبراء لغزك ثقيل الوزن يلزمه تفكير حله ترا صعب على كل حلال دباستن محشيتن بالمسامير والله مدري كيف يطري على البال سعد صنهات السهلي - الدرعية دباسة الأوراق وهن المغاتير وتلملم الأوراق يا طيب الفال والدبّ ما يشكل ولا له جماهير وما لي حساب بساب من قلة المال محمد عبدالرحمن أبو دحيم - البدائع لغزن قريته في جزيل التعابير لا أحمد ولد ناصر عسى أيامه أطوال ينشد وبعطيه الخبر دون تاخير ترى الورق مدبوس ياطيب الفال هو حل لغزك ياعشير المناعير أكيد يا المحرج بلا شك وجدال منير مذكر متعب العضياني الحل واضح لمن يدير التفاكير دباسة ظني بلا شك وجدال هذا حسب عرفي بها يا المناعير تسلم يابو ناصر يا طيب الفأل صالح محمد محارب البشري اللغز يالمحرج يبي له تفاكير احرجتنا يا الصاحب الغازك أجزال مساكة الأوراق هو الحل ماغير هذا جواب اللغز ياطيب الفال خليف فهيد الحربي - الرياض لغز الأسبوع كتبه للصفحة الشاعر محمد بن عبدالرحمن أو دحيم من البدائع ويقول: انشد عن اللي إليا جيته توقف له شكله يجي عرض ما شفناه بالطولي ما هو صناعي ولا جبته من الحفله يا الله عسى لغزنا دايم على البالي نستقبل الرمعات والحلول خلال أربعة أيام من نشر اللغز على الإيميل: [email protected]
