بطاقات معايدة

عاد عيدك يالملك والعايدين
ياذرى الملهوف فكاك النشب
صايمن معيدين مرابطين
فايزين بأذن فراج الكرب
محمد بن عون الشواطي
كل عام وأنت بخير وأحبابك بخير
كل عام وأيامك مسرات وأعياد
ياللي كلامك غير ومواصلك غير
كل عام يبقى الوصل والشوق ينعاد
فهد المساعد
صبّرت قلبي على فرقاك واهمالك
وأنا أدري إن الصبر ما هو بفايدني
لكن إذا جيت صبح العيد في بالك
تعال عايد جروحك لا تعايدني
محمد جارالله السهلي
يا عل عيدك سعيد وكل عامٍ يعود
وعساك ممن يعيش ويدركه كل عام
وعساك مع والدينك في جنان الخلود
وعسى صيامك شفيع لك نهار الزحام
عبد الله السياري
عايدني بشوفتك يا أجمل أعيادي
وإلا بصوتك عساني ما انحرم منّه
في شكلك المختلف وبصوتك الهادي
طالبك حبل الوصل لا تردّني عنّه
ماجد لفى الديحاني