عساه عيد بالمسرات مشروك

يا خادم البيتين لك شعب أغلوك
بالعيد في دعواتهم عايدوكم
في عهد شعب في ولاء الطاعة أعطوك
وقالوا جميعاً كلنا نفتديكم
سلام للشعب السعودي ومبروك
العيد عسى الله يعيده عليكم
عساه عيد بالمسرات مشروك
فيه التسامح والكريم يهديكم
واخو يزور اخيه ويقول انا اخوك
يكفي سنين ما تجيني واجيكم
وبعض العيال يقال سلم على أبوك
لا تقطعون الوصل في والديكم
في والدينك لا يجي ظن وشكوك
لا تستمع من طبعه الحكي فيكم
لا تستمع ناس عن الخير ردوك
في قولهم من يرحمك ما يبيكم
لا تصدق اللي حط في دربك الشوك
يا غافلين اصحو لمن يبتليكم
امثال ناس اشرار للشر نادوك
حطو بلا يدينهم في يديكم
واسعد حياة بطيب وأخلاق وسلوك
وهذا يساعدكم على حاسديكم
وعسى وطنا من هل الشر مشبوك
بامن ورخاء منكم ويرجع إليكم
وإلى تعاونا سوى ضد صعلوك
يموت والنخوة والاعزاز فيكم
عدوكم يصبح ذليل ومربوك
يخاف يالشعب السعودي حديكم
وفي حكم عبدالله لنا الخير مملوك
في ظل من ترضون عدله رضيكم
لو عنه نكتب بالمكارم مية بوك
ما نوفي اللي بالكرم مانسيكم
وسلطان سلطان الرخاء ما هو ضكوك
ولي عهد وبالصلاح يحميكم