الشتاء

جرحي
إن سألوا عنّي الصبايا الرعابيب
وعن القصيد ونظم عقد القوافي
خبرهم إنه بان فيني عذاريب
ربيع قلبي غيّرته السوافي
وتغيّرت حتى الجروح المعاطيب
جرحي برى لاشك ماني متعافي
الهم.. وفراق المحبين.. والشيب
هذي الثلاث إحساسها اليوم كافي
شِعر الأمير بدر بن عبدالمحسن
يا مُلهمة
عليك ساقتني مقادير الأيام
ضايق وأدوّر في سوالفك راحه
حتى لو اتجدد على جرحي العام
لكنها تعطي قصيدي مساحه
يا مُلهمة شِعري أنا بحاجة اللهام
محتاج وصلك قبل رحلة سياحه
شِعر - محمد مريبد العازمي
المواجع
تدري وش اللي يزيد على المواجع وجع
حتى ولو كنت راعي خير والله عطاك
دمعة مسن .. ومفارق غاليٍ ما رجع
ومجالسة واحدٍ ما غير يبحث خفاك
شِعر - رمضان المنتشري
الشتاء
كن الشتا من شُرفة الوقت بيّن
وأنا ضلوعي من شتا العام نيّه!
يا برد لا تقسى وقلبي حنيّن
والشوق غابر .. والحنايا نديّه
شِعر - أشجان العبدالله «أغراب»
الشاعر الأمير بدر بن عبدالمحسن
رمضان المنتشري
محمد بن مريبد العازمي