الغيث عم وكل الأوطان في خير

حنا ببداية عام والعام ذا غير
وكل العلوم الطيبه تسمعونه
الغيث عم وكل الاوطان في خير
ركب علينا منهمر من مزونه
من مدلهم مقبل حزة عصير
وسم مبكر والعرب يحترونه
يالله ياللي ترزق الانس والطير
تجعل لنا من خير رزقك مونه
عسى يجي في نجد عشب ونواوير
فوق البسيطه والعرب ياصلونه
ان قاله الله صار بليا مداوير
مع باذر الى فز يخضر لونه
بارض عذيه كل ابوها مزاهير
وريح الخزامى والنفل تعرفونه
وتباشرو بالخير اهل المغاتير
اللي ضعنهم واجد يتبعونه
مع طيحت الامطار ماهي معاذير
الشاص والفكسار واللي تبونه
هاذي مناة الروح ولامن مخاسير
والكبش والم جايبه تصلخونه