لعودة مليكي فرحةٍ ما بعدها

يالله ياجعل المزون المزابير
تمطر على نجد العذية جهدها
عشرين ليل وما وقف وابل الخير
حتى الروابي العالية قد عمدها
وازدانت البيداء وبان التناوير
وطلع الخزامى والنفل في وعدها
كله لجل عيدٍ تباشر به الطير
لعودة مليكي فرحةٍ ما بعدها
يا سيدى عودتك سالم تباشير
ياخادم البيتين شوفك سعدها
أطفالنا تشدو بشدو العصافير
وشبابنا لبست غلاك وبعدها
وشيوخنا تدعي لين التسافير
إنه يتم الصحة اللي وجدها
والحمد لله عودتك سالم بخير
عيدٍ تزين فيه الأمة وحدها
سلمت يانسل الحرار المناعير
يابن الإمام اللي وحد عددها
سعد بن ضيف الله القرشي الطائف