فوق الرمال رياضتي فن وإبداع ما دام شحّت بالمياه الطبيعة

إعداد - بكر هذال
يا سايق الموتر ترفق على الهون
خل التهوّر لا تجيب العصيبه
واللعب ماهو بالعمر لا تقولون
على النفود وتله اكبر مصيبه
هذا فراغ وهمهم كيف يقضون
لو زود السرعه تصير العطيبه
فوق النفود الجو رايق ويمشون
راعي ونيت وكل علم يجيبه
حمد عبدالله الوايلي - حوطة سدير
المتسو بيشي صورته دون سواق
واللي خلافه منظر خالف الذوق
ناس تهور طبعها شين الاخلاق
تعمل اعمال ردها غير ماثوق
هذا العمل سيء ولا عاد ينطاق
واللي وقع بالمصيدة يمكن يعاق
علي رشيد الرشيد - رياض الخبراء
تصميم قارب للبراري مسويه
بصدام موتر يسحبونه بواير
حق اختراع الصنع لك واحتفظ فيه
فكره تمشى بصاج ما به تواير
افكار متقاعد وخبرات ماضيه
لتقطيع وقته جاب الافكار طاير
سعود بن عبدالعزيز الهزاع - نعام
ترى المخاطر واضحه له علامه
ان طعتني بطل عن السحب تسلم
الصبح بان وبينٍ من سنامه
ترى السلامه مكسبٍ كان تعلم
قالوا رياضه قلت شوفوا عسامه
ومن لا ركد اكيد ماهوب يفهم
اشره على السواق بهذل غلامه
ليته يفكه قبله الليل يظلم
خليف فهيد الحربي - الرياض
هواية التطعيس فيها الوناسه
حتى ولو زود على الموتر الجور
الكل منهم صار زايد حماسه
لا صار له صاحب وبالحبل مجرور
لو صفق الجمهور يشوش براسه
وفي تلته للجيب يا ناس معذور
خالد ناصر المخيمر - روضة سدير
فوق الرمال رياضتي فن وإبداع
ما دام شحّت بالمياه الطبيعه
حبلٍ بسيارة ورملٍ على القاع
يشدا التزلج في رمالٍ وسيعه
والناس بالدنيا هوايات وأطباع
من جيل حتى جيل دايم تذيعه
سعود عائش الحربي - جدة
البر متعه لكل الناس
ترويح للنفس ووناسه
اللي بخيمة مع المحماس
يعدَّل الرأس وإحساسه
وأهل الرياضة بكل حماس
حتى التزلج لقى ناسه
بس الخطر ما أبتعد يا ناس
حذرى من الرمل ومن بأسه
صالح علي المبارك - حوطة سدير
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
ويا هلا..
صورة العدد السابق
Your browser does not support the video tag.