بايعناك والبيعه وسام

يامحمد يابن سلمان الهُمام
ياسليل المجد يازاكي الجدود
انت رمز الجود بالشّده حزام
في المواقف هييتك ترقى سنود
انت مثل الحر فوق الجو حام
تلطم العدوان والنصر معقود
كاسب الطولات يارجل السلام
شامخ ٍ بالعز والعالم شهود
راسي ٍ وقت الملاقا والزحام
فارس الفرسان دايم في صعود
تدحم الميدان لاحل الكتام
صيرمي ٍ والعدو ماله وجود
حنا بايعناك والبيعه وسام
نحمله عز ٍ ونعلن به صمود
لك مابين الناس قدر ٍ واحترام
يارفيع الشان بافعالك تسود
من لجا بحماك يبشر مايضام
اشهد انه عاش رمز ٍ للاسود
منزلك بين الثريا والغمام
ياحبيب الشعب يافهد الفهود
ياقصايد نظّمي جزل الكلام
كلنا محمد وله حنّا جنود
راشد القناص