سجّيت مع عثعثٍ تزمي مراقيبه

صور شاعرية

سجّيت مع عثعثٍ تزمي مراقيبه
لين اعتليت المعلّى حيل وأشرفته
لاغابت الشمس طنب بالعوي ذيبه
ساغير قمريّة الوادي موالفته
نطّيته عْصِير من مابي وأغنّي به
وهيّضت مكنون خفّاقي وسولفته
واقلبي اللّي وسيعاتٍ مضاريبه
بنادق الوقت ثارن فيه ونْصَفْته
أصبر مادام إنّها ضريبه الطّيبه
الله يعين الخفوق اللّي مكَلّفتِه
قلبي عقب صاحبي تصفق دواليبه
عليك ياللّي مضى لي وقت ماشفته
لك ولحةٍ بالضلوع وّسورها هيبه
والقلب شمسيّتك والحب سالفته
شعر - متعب بن فارس بن طوالة