عواكيس

غوستافو ماتوساس
* الاخ معوكس بعد التحية والاحترام بحكم خبرتك الطويلة في الملاعب وش اللي تغير في أداء المنتخب وصار يلعب بهالروح العالية؟
سامي العتيبي - الدوادمي
* المتعصبين انشغلوا عنه.. وصار حيلهم بينهم
* ابو العواكيس المحترم أنا من أشد المعجبين بالمدافع حسين عبدالغني فهو من اللاعبين القلائل الذين وصلوا لهذا العمر وهم يلعبون بروح عالية ولكن كل هذه المستويات يفسدها بخروجه عن النص في مرات عدة وش السبب من وجهة نظرك؟
مشعل السعيد - حائل
* السبب ما عمره عرج على المنازعات ولا عنده نية.
* الدكتور معوكس وش سر تأخر الهلال في اختيار مدربه كل هذه المدة،، الوقت أزف والخاسر طبعاً الفريق الذي ينتظره مباريات هامة؟
ناصر الدوسري - الرياض
* قل الدبرة ويدورون الرخيص.
* أبو العواكيس المحترم الأسبوع المقبل بيلعب مدرب الشباب سامي الجابر ضد فريقه وعشقه الأبدي الهلال وش توقعاتك للمباراة وهل فوز الجابر سيؤثر على "الأزرق"؟
أحمد العبدالله - الرس
* ما عاد فيه عشق ابدي الدعوى احتراف ومن حقه يدور الفوز ابو عبدالله!
* الناقد معوكس وش ينقص المنتخب حتى يصل لنهائيات كأس العالم في روسيا2018 ؟
فيصل المطيري - المجمعة
* الغاء برامج التعصب وتسريح اعضاء فرقة "تخسى" الكوميدية!
* صديق الملايين أبو العواكيس السلام عليكم ورحمة الله وبركاته وبعد: وش رأيك في ظاهرة عودة المدربين لأنديتهم بعد إلغاء عقودهم ومن المسؤول عن ذلك؟
تركي الصالح - الرياض
* المسؤول اللي يلغي عقد المدرب في الصيف ويحب رأسه علشان يجي في الشتاء.
* الأخ معوكس لك كل التقدير والمحبة أنا اثق كثيراً في أرائك الفنية من تتوقع يكون بطل "دوري جميل" ومن اللي بيهبط؟
عبدالله الشهري - جدة
* البطل يتحدد حسب الشال والدموع!
* أبو العواكيس المحترم من تتوقع يفوز برئاسة الاتحاد السعودي لكرة القدم وما هي المواصفات التي تتمناها في الرئيس القادم؟
نادر الشلوي - الطائف
* المواصفات راحت مع الأولين!
* الأخ الغالي والمحلل المتمكن معوكس: توقعت ان تستضيفك إحدى القنوات الفضائية بعد الانتصارات المذهلة التي حققها المنتخب في تصفيات كأس العالم خصوصاً وانك دائماً تقول ماراح أصرح الا إذا عادت روح "الأخضر" وش السبب"
فهد السبيعي - الطائف
* وقتها كان معي لقاء على الهواء مع باكي مون في الcnn!
* أبو العواكيس المحترم نادي الاتحاد يعاني مادياً ويمكن يحرم من المشاركة في بطولة أندية آسيا المقبلة وش رأيك تتدخل وتحل الأزمة يا حلال المشاكل؟
سمير عوض - جدة
* اللي مفروض يتدخل صاحب الشيك المفتوح!
* الأخ معوكس أنا أتوقع ان فريق التعاون بيكرر "سيناريو" جاره الرائد ويعاني في هذا الموسم ويدخل مرحلة الخطر وش رايك؟
ناصر البدير - بريدة
* جاره اوضاعه حصرية صعب تقليدها.
* صاحب المليون رسالة ابوالعواكيس هل تتوقع أن يستمر مدافع النصر في شكواه ضد ادارة النصر ام يتنازل عن حقوقه ويلتزم الصمت؟
عادل الناصر - الرياض
* الا يا متنازل وراه التزامات وايجار البيت.
* قاهرهم وحابس دمهم معوكس تحية طيبة وبعد:
يا ترى الى متى قنوات الشقق تعرض البرامج الرياضية السخيفة وين الجهات المختصة ما توقف ذا الغثاء اللي يثير التعصب؟
سلمان الريس - الرياض
* الغثاء اللي يثير التعصب المهم يضحك المشاهد على طريقة درب الزلق!
* الناقد الساخر معوكس هل وصل الأمر ببعض المتملقين من المحسوبين على الإعلام إلى ان ينافق ويتحول الى متسول يطير للمشاركة في برنامج رياضي خليجي؟
سعيد ابو رياض-جدة
* وصل وغير مستغرب وياما نبي نشوف عجايب!
* الحبيب ابو العواكيس كيف ترى "قانون ابو عجراء" واثره على قرارات الحكام وتأثيره على مستوياتهم؟
راشد الدوسري- الخبر
* اثره وتأثيره مافيه أمل تشوف اصحاب "النخبة" في المونديال والله يذكر ايام الزيد وجلال والطريفي بالخير.
* الرائع معوكس وش تتوقع تردد جماهير الهلال بعدما يبدأ المدرب الجديد المهمة مع الفريق؟
بدر الرشيد - الرياض
* دياز اخو جوستافو
* مع تحيات معوكس وسلامتكم
* للتواصل مع زاوية عواكيس
* بريد الكتروني sport@alryidh.com
* فاكس 4871070