جور الليال وتحديها

آه من جور الليال وتحديها
خص حملك لا ثقل والدهر مالي
ترخص اللي في المقادير يغليها
غصب يشرب كاسها المر والحالي
ما سلم من غدرها اللي مصافيها
ترم أعز اصحابها قاسي الجالي
يا حسوفه يوم كنت افتخر فيها
ما سمعت بحبها كل عذالي
مسهر عيني والأقدام محفيها
زودت همي وحزني وغربالي
أحمل جروحي مع الوقت واخفيها
مهما أدور طبها صعباً أمحالي
كم وفي ما سلم من مساويها
ساوت بقدره كما قدر الأنذالي
علم اللي في الخبر جاهل فيها
كم خذت محبوب وبعدت غالي
تطوي الأعمار والموت قافيها
ما سلم من باسها كل محتالي
يا هنى اللي صلاته مصليها
ما تهاون لين ضاعن الأماني
صالح غزاي