اسعد الله مساك

اسعد الله صباحك واسعد الله مساك
واسعد الله يوم ضمنا فيه ليل
ما عرفت الرضا الا يوم جاني رضاك
وما عرفت الهوى الا يوم صرت الدليل
الغلا كل ما املك يعتبر من غلاك
لغيرك اي والله انه ما بقى له حصيل
مانقول انت مثلك مالقينا مثلاك
يمكن اقول في نجد الظبي لك مثيل
فيك بشر وملاحه مجتمع مع حلاك
ولابياض شديد ولا سمار كحيل
ومرحبا ياهلابك عد مشية خطاك
وعد برق الحيا اللي منك ياحلو اخيل
الهوى اللي يسمى بالهوى هوهواك
يا خليل يقدر ويش معنى الخليل
اي واصف بدابك ما لقى منتهاك
كل ما جاب وصف قال هذا قليل
وما هنا احد شبيه ولابه احد هناك
عز من ميزك وأصبحت في نجد نيل
لحظة في ضفافك والندى من حياك
تنعش القلب مثل القاع الى جاه سيل
كل ذيك الحواري كل ابوها فداك
وكل ذيك المزارع مشمسات وظليل
الله اللي عطاني والله اللي عطاك
وارجي الله ندوم بكل علم جميل
قلت لا عاش من مثلي عرفك ونساك
من يفرط بمثلك فاعرف انه هبيل