صور شاعرية

آه واقلبي على ذيك البيوت
أقفرت من عقب ساكنها فلات
قطّعت منها لياليها البتوت
لين خلّت حبل ساكنها بتات
فرّقتهم بين عيّاف وموت
أودعت مجموع أهاليها شتات
دار وين الصاحب العشر الصموت
غشمري العبث منسوب السكات
وين ذاك اللي على فنّه يفوت
ما قبل فيما يريد مشاورات
قايمٍ له يوم قومات البخوت
والهوى له في ميادينه طرات
جيت صوب الدار في بعض الوقوت
ذاكرٍ ذيك العصور الماضيات
ما لقيت إلا علايمها.. سكوت
جثّم مثل الحمام الواقعات
شعر: عبدالعزيز بن ناصر الجويعد
رحمه الله