نفحات فضلك

يالله ياللي ماحد غيرك يدوم
ياواحد سر العباد تعلمها
تكتب لنا من رحمتك حظ وقسوم
ويسر لنا نفحات فضلك وادمها
انت الذي تنعم على كل محروم
وان مارحمت الحال ماحد رحمها
ايامنا تعطي تجاريب وعلوم
وبعض البشر يبطي وهو مافهمها
اقبالها واقفايها كنه حلوم
ودوراتها حلو ومر طعمها
الرابح اللي مايفرط بها يوم
مامر من لذاتها يغتنمها
مع طاعة الله صان عرضه عن اللوم
والعز ودروب المراجل لزمها
نصيحتي مادمت للنصح ملزوم
ياللي جهلت اسمع لها واستلمها
لاترافق الا فالعرب كل شغموم
شهم علوم الطيب يوفي سهمها
اللي يصير لرفقته عهد وسلوم
لا من بناها بالوفاء ماهدمها
وان شفت من عرض مع الناس مذموم
النفس عنه عزها واحترامها
ترى له لسان من الخبث مسموم
عقرب ثري يلدغ ذنبها وثمها
قلته وسلم العرف للناس مقيوم
وعن طولها ياجب على اختتمها