العفو عند المقدرة

العفو عند المقدره يالمناعير
ماخاب والله من عفا عن سجينا
فوزوا بها هذا الشهر يا هل الخير
شهر يضاعف لجر للمحسيننا
تلقونها قدام نور وتبصير
في يوم هول يشيب المرضعينا
يوم ثقيل والموازين تحضير
يفوز مرجحها مع الفايزينا
لاتفوتكم يا هل النفوس المناوير
من دعوة بدعي بها الصايمينا
الفرق في العافين عند المعاسير
والفرق في الاحسان علم يقينا
المعتق الله يعتقه من صلا الكبر
كنه اعتق لله كلبوا العالمينا
والله ثم والله ما يلحقه غير
دعوات يلقاها من المسلمينا
اجر وغنيمة صار من دون تقصير
ايضاً وقدوة خير للآخرينا
رفعه وناموس ونخوه مغاوير
وفخر لبس تاجه مع الفاخرينا
يمسح ادموع اب جرح وام واصغير
عليهم يحرم نومه النايمينا
ما والله بذل الجود والعفو بيضير
ولاهوب ينقص قيمة الطيبينا
يزيدهم عز ومجد وتفخير
وايقال نعم جاد ذرب اليمينا
لو الخطيه كبر - ذهيلان - والنير -
عند القروم اتهون والغانمينا
تصغر بعين امجرب الفعل وامير
بالخلف واتجي له مع الاولينا
لبيات ما كتبتها قصد تعبير
يكود ابيها تحرك المعتزينا
وانا رجاي بعافي يطلق الطير
يكسب ثواب ودعوة الوالدينا
يلقا جزاها عند رب المقادير
ما يغادر في صفحة المكرمين
يا جعلنا من يربح الاجر والخير
ويا جعلنا من فرقه السالمينا
شرح مفردات
ذهيلان: جبل ضخم في عالية نجد
النير: جبل .......
النير: جبل ضخم في عالية نجد
لبيات: الابيات