حالتي حالة

ياخوي هو حزني اللي ما يفارقني
حتى وانا اضحك معك شف حالتي حاله
العام من لمة الاحباب سارقني
همٍ سكني وصدري صار منزاله
أضحك وأسولف وانا به شي حارقني
احاول اصبر وصبري بليت حباله
كن المواجع على افراحي تسابقني
ويضيق صدر الفرج قبل اتهيا له
من مات حلمي قبل كفه تعانقني
ماعاد لي رغبة في شىٍ اسعى له
هذي رداة النصيب اللي يلاحقني
والدمع حدر وشف بالخد مرساله
بقولك شي يمكن ماتصدقني
ماباقىٍ شى في دننيايه احيا له
كن الليالي بلاذنبٍ تعاقبني
ياخوي مليت هاالاحزان قتاله