محاورة

فلاح القرقاح
مرحبا في حفلة طوال الشبور عيال جاري
عزوة ٍ يفتح لها التاريخ بابه ويعرفها
لا دخلنا المعركه جاء للخطر بايع وشاري
وجوخ للي يتعب ظهور الاصايل ويعسفها
سفر الدغيلبي
البقاء من شاعر ٍ تطري على باله طواري
و الطواري يعتمدها زين ويحدد هدفها
لا دخلنا المعركه جبنا الخناجر والشباري
شرط ما تنقص قبايلنا ولا يهزب شرفها
فلاح القرقاح
بينك وبين الهجوس الضايعه عازل حراري
احتمل للمرجله واحذر تجيها مع طرفها
لو يطول الوقت ما تغني عن السيف السواري
حده اللي ينزل لروس الدواهي ويحذفها
سفر الدغيلبي
المدير الدبلوماسي والخبير الاستشاري
كل وصفه من وصوف الطيب يتعب ما وصفها
اعتقد حتى الاوادم فيه الاصلي والتجاري
قاله اللي يعرف الغرات لكن ما كشفها
فلاح القرقاح
يا عتيبه لو قفلنا السوق والبنك التجاري
وين تلقون نخله من جاع منكم يخترفها
لا يغشك من يقول الذل ما نجا الحباري
كان ما خفت الله اللي تردع العيال خفها
سفرالدغيلبي
تقفل البنك التجاري نقفل البنك العقاري
ثم دور عاد بطانية الضعف التحفها
يا ذخر فراج انا بقولها لك وانت داري
ناسٍ احشمها على شانك وناس العن جدفها
فلاح القرقاح
ابك انا شيخ ٍ على كسب الثنا والطيب ضاري
وانت تنوي بس لامن شبت النار تحرفها
لو معك مليون متهور ومليون انتحاري
امحلف ما فادها وقت اللزوم الا محلفها
سفر الدغيلبي
كيف ابى اسطى فيك بالنار اللضيه وانت جاري
وان بغيت الثانيه عطني يدك والنار شفها