خيمة ظلام

الإهداء ل عبدالرحمن حمد
يجري العمر ويخون الشعور الكلام
وتعجز أحيان لو ودك لغيرك تبوح
كن صدرك ببعض أحيان خيمة ظلام
لو تفتش زواياها خذلك الوضوح
يابو داحم وأنا ماالقي عليك الملام
لو تنكرت لحصان الوصال الجموح
كملي أبحث وأفتش عنك وسط الزحام
وأنت تبحث عن أطراف الزمان النصوح
أدري إن الزمن وراك قل اهتمام
من تعديت مرحلة الصغير الطموح
وصرت بين الأماني وانكسار الغرام
تشعل الشوق والذكرى القديمه تفوح
أجمل العمر نام بحارة ( أم الحمام)
لو صحى بك ندهلك طالبك لاتروح
وين رايح لساحات الحياه الركام؟!
خلك بقلب طفل أرحملك من الجروح
ومن كبرنا على طعم الحياة السلام
ذنبنا . دام ضيعنا طريق الوضوح