الشبابيك

وين الشبابيك ماتفتح لقلبك صباح
أو أنها مثل باقي صدورهم مغلقه ؟
علّمني الصدق يالإنسان.. لوّ الجراح
تطعن ب كذب الظنون افكارك المشرقه
صدقك هو الشعر .. قبل الصوت.. بعد السماح
في وقت به ناس بعض افكارها : مشنقه !!
تبقى .. ووجهك حكاية طهْر عذبٍ قراح
يابو بياضٍ يسابقني على مشرقه
م انته لحالك .. معك حنّا على الاجتياح
بالدم .. بالحُب .. بالشعر اعذبه واصدقه
وان غرّبتنا خطاوينا ف ارض الكفاح
الغربه اجمل، تحرر صوتك وتعتقه ..
ف ان شفتني في شوارعها كسير الجناح
لاتحسبنّي رضيت الذل حتىْ انطقه !
بنزرع الارض لو ترفض يدين الرياح
وبْنقطف احلامنا اللي طاااااالت معلّقه
مافات موحش .. سراديبه ظلام ورماح
واخوك حافي وكلن بالسفر مرهقه
عطني من النور وجهك.. خير هذا الصباح
و لك الفؤاد.. بسماواتك خذه واطلقه.