حقوق الصداقة

ليت السعادة لي على الكيف وأعطيك
لكن عطية من ربي ووهبها
ولو كان دمع العين يروي أنا أرويك
بدموع عيني لا ولا اشكي تعبها
والهم ليت الهم ينشال وأكفيك
من هم نفسك لا تزايد لهبها
ولو الفرح ينباع لا شريه وأهديك
وأسكنك عيني وظللك هدبها
أبيع كل الكون من أجل أشريك
وما تبيع نفسي من لقته بصعبها
يضيق صدري لو يزيد الحزن فيك
لكن مقادير من الله كتبها
اطري ليالي ماضيه دوم وأطريك
وتزيد في النفس الهموم وتعبها
لكن أعزي النفس والله واعزيك
وعساك تلقي في حياتك طلبها