أطيح وأقوم

حِرِّي عليك أحَرّ من.. حَرَّة الكي
وهمك لحاله مالي الخافق.. هموم
يا ليتني ما أوجست حرك وأنا حَيّ
يا ليت يومي جاء قبل يومك.. بيوم
أثرك ذرى اللي ما لقى بالذرى فَيّ
أثرك وفاه اللّي غدا منه محروم
عز الله إنك كنتي الضَيّ.. للضيّ
عز الله إنك كنتي الشوم للشوم
من رحتي ودنياي ما عاد.. هي هي
ولا لاح فيها.. لايح بروق.. ونجوم
حتى العمر ما عاد عقبك سوى شي
غديت غادي وإمتحطِّم.. ومكلوم
مدري متى المنيه تشيلني.. زيّ
الشيله اللّي عقبها.. أطيح وأقوم