فقد سلطان

الصبح أسود والعصافير ناحت
وشلون لا واللي فقدناه سلطان؟!
كل السعودية بفَجْعَته طاحت
واتلحّفت من بعد موته بالأحزان
استغفر الله ليت الأقدار زاحت
لكن رضانا والصبر روح الإيمان
دمعة وطن وش ذنبها يوم ساحت
وأصبح يكفكفها حديث وقرآن
لو هي دموعك يا وطن فيه باحت
ذكراه تبقى ساكنه كل الأعيان
مرحوم يا من في سما الكون لاحت
بروقه اللي تروي الشعب ب إحسان
سيرة عطا بالخير والطيب فاحت
واستوطنت من طيبته كل الأوطان
يارب دنيا عبدك اليوم راحت
ارحم .. وغمّد روحه بعفوك جْنان
وإن كان روحه من مرضها استراحت
وشلون ترتاح البشر بعد سلطان؟!