ولو ما جيت

حتى ولو ما جيت عندي تعّذر
ابقبل الاعذار من دون تبرير
لأنك ملكت بداخلي شي أكبر
ولأنك هنا في مهجتي دايم غير
انت الغلا والشوق واشياء أكثر
وانت الأمل للقلب يامنبع الخير
تدري احبك كيف انا بس بقدر
على غيابك لو حصل اي تقدير
في غيبتك بوح الأماني تكسر
والساحل الباقي بدأ فيه تأثير
كل ينادي والجفا حيل أغيّر
حسبي على الفرقى وذيك المقادير
لك في خفوق انسان حبه تجمّهر
نادى بصوت الحب وين الجماهير
هذا غلا نفسي وهذا المقدر
باقي هنا وجروح قلبي محاسير
تدري بعد هالحين لو ما تعّذر
راضي ما دمك في خفوقي هنا غير