صديت عن شوقي

جيتك ودمع الشوق في موق عيني
مشتاق لك من بعد غيبة لياليك
وصديت عن شوقي ولهفة حنيني
ولبيت صوت ٍ غير صوتي يناديك
أحسب ليا من جيت لك تحتويني
هذي هي العاده وهذي مباديك
أبيك وأنت اللي تحن وتبيني
خاطرك فيني وخاطري دايم ٍ فيك
ما كنت هاقي صدتْك يا ضنيني
لا والذي محيي عظامي ومحييك
وش الذي قد حال بينك وبيني
وبرآك من شخص ٍ يحبك ويغليك
عانقت لك دين ٍ مخالف لديني
وغيرت الأسم اللي من أول مسميك
سميتك الغالي ومهجة سنيني
وباقي الأسامي ما تليق بمعاليك
هذي هي الهقوة قبل تبتليني
بالصد والهجران والله يجازيك
دربك خضرّ روْح ولا تحرتيني
لو جارت الأيام ماني حواليك
صدك وهجرانك مبيّح كنيني
وكرامتي ماهي بلعبه فأياديك
بعتك بعد ما بعتني يا خديني
ولا عاد ترجيني ولاني براجيك
- محمد بزيع الشيباني