كانت حائل أمس على موعد مع الوفاء في يوم تاريخي احتفلت به المملكة قاطبة بذكرى البيعة ومرور عام واحد على تولي خادم الحرمين الشريفين الملك عبدالله بن عبدالعزيز مقاليد الحكم لهذه البلاد الطاهرة واحتفلت حائل المكان والإنسان بهذه الذكرى الغالية بالمغواة المكان الذي استقبل فيه الحائليون مليكهم عند زيارته الميمونة للمنطقة مؤخراً ومن خلال حفل تقيمه اللجنة المنظمة لمهرجان صيف حائل 27 ( حائل يا طيب ملقاكم ) يتخلله أوبريت بعنوان (( عام واحد من الشعب الواعد .. لعيون المليك القائد )) كتبه ابن حائل الشاعر صالح الزقدي بمشاركة الشاعر فهد الرشيد والشاعرة صبرة العنزي وألحان فهد الفوزان والملهم وسالم بن محمد وأداء نايف العقيل وعبدالمجيد الفهاد وسالم العياش والطفلة البندري العنزي وأداء تمثيلي يوسف السعدون وخالد السعدون ، والأوبريت يتكون من ستة مقاطع تجمع بين الشعر والغناء والمشاهد التمثيلية ... المقطع الأول : (شعبك يحبك ) كلمات الشاعر - صالح الزقدي ألحان : فهد الفوزان أداء : نايف العقيل شعبك يوم إنك حكمته زانت أموره باقي على العهد وينده باسم عبدالله شعبك يحبك يودك يا أخو نورة ويجدد البيعة لك ويعاهدك بالله *** الحمد لله على توفيق عبدالله مليكنا اللي شهدنا العز في ظله أرهى على الشعب في عدل وموازيني يارب تحفظ لنا سلطان و عبدالله *** المقطع الثاني : قصيدة من كلمات وإلقاء الشاعر - فهد الرشيد المملكة يا جعلها الله بأمن وأمان وخير المملكة هي امنا وبالروح نحميها فيها السياحة والرخا والامن والتوفير وبأحانها نلقى الوفا والحب نعطيها مابين اجا وسلمى تلقى الحب والتقدير حايل مقر الحاتمي وجوده معليها فالله يعزك يا مليك المجد والتعمير قايد مسيرتنا وباري القوس وراميها هذاك ابو متعب يعجز الشعر والتصوير عن وصف رائد هالحضارة ومتبنيها ذلل مصاعب هالحياة وزادها تيسير الله يحفظه للوطن ويعيش بانيها *** المقطع الثالث : عام واحد وعن الفين عام نحمد الله على الخير الوفير مملكتنا استعزت ياسلام قالها الشيخ والطفل الصغير المقطع الرابع : انشاد - سالم العياش يالبندري قوليلي وأهتفي وأسمعيهم كيف صرنا نعيش العز قولي لهم قولي عن خير دايم بجود صقر العروبة من شمال السعودية اليما جنوبه *** المقطع الخامس : (حائل تجدد الولاء) كلمات : الشاعرة القديرة- صبرة العنزي أداء الطفلة - البندري العنزي الله يعز بلادنا ويحماها من كل حاسد والنفوس الشريرة على ثراها واتنفس هواها أمن وأمان وسبلها مستنيرة هي أمنا والأم هذا جزاها نحبها حتى رمقنا الأخيرة وبقلوبنا محد يساوي غلاها الاّ هل العوجا ملوك الجزيرة الأسرة اللي ثبت الله إخطاها وكل ما هوى نجم لمع نجم غيره عبدالعزيز أسس قواعد بناها على طريق الحق ثبت مسيره وعقّب أحرار تعجب اللي دعاها صوارماً مثل السيوف الشطيرة وقاموا بشرع الله وصانوا حماها واللي نواها بشر يلقى مصيره واليوم عبدالله تولى قراها الله يمهل له سنين كثيره ما فيه أماره الا تكلّف وجاها يشوفها حتى يريح ضميره أمر لها في كل خير وعطاها وعلى الغني الشعب قدم فقيره وكل الأمور المستحيلة بداها وعمت مشاريع الرخا كل ديره يا سيدي حايل تجدد ولاها والشعب كله من صغير وكبيره وكل الكبود اللي قطعتوا ظماها تدعو لكم بإخلاص جهر وسريره وصلوا عدد ما هل ممطر سماها على بشير المسلمين ونذيره *** المقطع السادس : ( مرت سنه) كلمات الشاعر : صالح الزقدي ألحان : الملهم و سالم بن محمد غناء : عبدالمجيد الفهاد مرت سنة بالخير واليسر واللين من حكم مرخص للوطن كل الأثمان أمن وأمان وفوق هذا موازين تشهد على عدل الملك طول الأزمان أبو اليتامى والضعاف المساكين مليكنا يا فخرنا بكل الأوطان عطيت وخير عم كل الملايين وهتفنا بسمك يا نبع كل ضميان الله يديمك يابو متعب لنا سنين يا قايد الأمة ويا رافع الشان من جيتك والمملكة حالها زين والكل يدعي لك ويدعي لسلطان
