سفينة شوق

وطاحت نجومه من سماها قتيله
وراع القصيده ما بعد سن الأوضاع
فاالشعر هاوي والمسافه طويله
كنه على ما قيل يسبح على القاع
لا زاد خطوه قام بيته يشيله
وفا اليم شاف الموج كون له شراع
واطلق سراح الفكر مع درب خيله
شاله سفينة شوق في كل الأصقاع
وردت صداها (آه) في كل ليله
وعقب العنا قرب من الشط وارتاع
شاف المواني خاليه من مثيله
قافٍ طرالي تالي الليل وانصاع
والقول يغني عن كثيره قليله
كله سبايب حاوية زين الأطباع
اللي تحاكي بالعيون الكحيله
بعيونها شفت العشاشيق مناع
مناع حربٍ آسرتهم قبيله
نهيت روحي لكن القلب ما طاع
والنفس ما تقبل عشيرٍ بديله
سلطان بن ربيعان