ينبوع ونهر!!

ما دام باقي للأمل والليل بعيوني سهر
ابنتظر لفحة شذى من خاطر أعماق العبير
فيني أماني عاشت الدنيا من اللحظة شهر
تتوثب أيّوب الثبات ولا نضب فيها خرير
شفني هموم عاشت الدنيا من الحكمة زهر
ما بين ذعذاع الهجير وضحكة الدنيا بخير
تعال من نجد الشمال بلحظة جنونك دهر
أعيش بك فرحة وله وتعيش بي سلك الحرير
في خافقي لك مغدق الأنفاس ينبوع ونهر
عاشت لك برجوى وصال ماتبي غيرك أسير
واللي خلق فيك الطموح وساقني جاه وظهر
لقطف لك زهور الفرح من نشوة أحداق العسير
زيدي طعون الكبرياء اللي من اللمحة جهر
يعيش لك قلب الكبير يموت لك قلب الصغير
يا وقت هات من الغمام لفدوة عيونه مهر
يمكن على ريح النفل غار الخزامي والعبير
والآدمي قطعة هموم زاد طينتها قهر
لا صار ما بين الضما وما بين مردوم الغدير